CONSELLOS PARA O VERÁN

 O alumnado de 4º curso de Educación Primaria elaborou, de xeito coordinado co mestre de Educación Física, unha serie de recomendacións para o verán que contribúan á mellora da saúde e calidade de vida de tod@s:

- PRACTICA DIARIAMENTE A ACTIVIDADE FÍSICA QUE MÁIS CHE GUSTE: ir en bici, camiñar, practicar algún deporte, saltar á comba, xogar na praia...

- ALIMÉNTATE COMENDO DE TODO: Aproveita as froitas de tempada, acompaña os platos con ensalada e non te olvides do peixe. Non abuses dos doces.

- HIDRÁTATE BEN: bebe auga frecuentemente, principalmente nos días de maior calor.

- DESCANSA O NECESARIO: trata de durmir todas as horas axeitadas  para a túa idade.

-

XORNADA DE DRAGÓNS

 No día de hoxe asistimos á Portosín á Xornada de Piragüismo de Dragóns do Programa Xogade. A mañá estaba bastante gris e con choivas intermitentes, mais tivemos sorte, e no tempo que nos tocou saír a remar non choveu.

Todo o alumnado de sexto de Educación Primaria disfrutou da xornada na que nos amosaron, en primeiro lugar, os aspectos técnicos básicos desta novidosa modadalidade de piragüismo en Galicia (agarre da pala, técnica de paleo...) así como os elementos de seguridade.

Os 15 alumnos e alumnas foron acompañados no dragón por dous monitores (un marcando a palada co tambor e outra dirixindo a embarcación cun remo) e polo mestre de Educación Física. A titora desprazouse na embarcación de seguridade que acompañaba ao Dragón.

Sen lugar a dúbidas, o vindeiro curso o centro repetirá esta experiencia!!! 

ACHEGÁMONOS AO REMO

 Este venres coñecemos de primeira man o deporte do remo, a través da Asociación Deportiva Esteirana de Remo, que nos trouxeron ao centro un batel e varios ergómetros cos que poder practicar este deporte tan completo.

En primeiro lugar, da man de Chelo e Franche, amosáronnos un vídeo explicativo das principais diferencias entre o batel, traiñeira e traiñeirilla. Tamén coñecemon un montón de vocabulario novo relacionado co deporte: tolete, estrobo, tolete, cabo, foso, babor, estribor...

A continuación puidemos simular o remo dentro dun batel e tamén probar os ergómetros cos que se adestra.

Finalmente, e logo de sortear uns agasallos entre o alumnado, convidáronnos a visitar o club durante o verán.

ESCOLA DE PIRAGÜISMO OUTES NO COLE

 A  Escola de Piragüismo de Outes visitou esta semana o centro, dentro do programa "Coñece o meu club" (Xogade) da Secretaría Xeral para o Deporte.

Diego, Rubén e María presentaron as características principais do deporte ao alumnado, dun xeito ameno e práctico.

Os nenos e nenas, dende segundo a sexto de Primaria, puideron subir a un caiac e a unha canoa, recoñecendo as diferenzas principais das dúas embarcacións.

Tamén coñecemos un pouco máis sobre a figura de Teresa Portela, a deportista española con máis participacións en xogos Olímpicos e medallista nos últimos Xogos de Tokio.

Para o ano repetiremos!!!