LIMPEZA DE PRAIAS

 O pasado venres, día 11 de novembro, todo o cole asistimos á limpeza de praias organizada por ADEGA, en colaboración co concello de Muros. A xornada, que no seu día foi aprazada pola choiva, foi moi frutífera e foron moitos os sacos de lixo que o alumnado conseguir encher. 

Esta tarefa encadrámola dentro do proxecto de centro: "A nosa saúde e a do planeta: residuos cero", que pretende concienciar ao alumnado na importancia de reducir a cantidade de plástico que utilizamos no noso día a día, á vez que colaboramos co planeta nunha tarefa tan importante como é limpar un entorno natural tan espectacular como é a praia de Parameán.

Dende o centro queremos agradecer a todo o alumnado polo bo traballo realizado!!!

XORNADAS DE CONVIVENCIA EN EDUCACIÓN INFANTIL

 Este curso académico botaron a andar no centro as aulas mixtas na etapa de Educación Infantil, o que implica que temos tres aulas que integran a alumnado de 4º, 5º e 6º de infantil. Para favorecer a cohesión grupal, a integración e o compañeirismo entre todo o alumnado, as titoras organizan periodicamente xuntanzas de convivencia na que participan os tres grupos e nas que se realizan xogos dinámicos e moi variados.

Aquí podedes ver unha foto dun dos xogos realizados...